काभ्रेपलाञ्चोक, १६ माघ । बनेपा नगरपालिकाले आफ्नै नाममा रहेको दुई रोपनी जग्गा इलाका प्रहरी कार्यालय बनेपालाई प्रदान गरेको छ ।

लामो समयदेखि जग्गा अभावका कारण कार्यालय सञ्चालनमा कठिनाइ भोग्दै आएको इप्रका बनेपालाई वडा नं ८ स्थित दक्षुटोलमा रहेको रु तीन करोडभन्दा बढी मूल्यको जग्गा नगरपालिकाले उपलब्ध गराएको नगरप्रमुख लक्ष्मीनरसिंह वादेले बताउनुभयो । एक हजार १७ वर्गमिटर रहेको उक्त जग्गा दानपत्रको लिखत गरी इप्रका बनेपाका नाममा हस्तान्तरण गरिएको छ ।

जग्गा उपलब्ध भएसँगै इप्रकालाई सुविधासम्पन्न भवन निर्माणको बाटो खुलेको प्रहरी उपरीक्षक रविराज खड्काले बताउनुभयो । “जग्गा प्राप्तिपछि प्रहरी निरीक्षक तहको दरबन्दीबाट थप गरी प्रहरी नायब उपरीक्षक रहने गरी व्यवस्थापन गर्न सजिलो भएको छ,” उहाँले भन्नुभयो । जनसङ्ख्या र भौगोलिक अवस्थाका आधारमा इप्रका बनेपालाई स्तरोन्नति गर्न जिल्ला सुरक्षा समितिले गृहमन्त्रालयमा सिफारिश पठाएको छ । सम्झौतापत्रमा इप्रका बनेपाका प्रहरी निरीक्षक निरञ्जन भट्टराई र नगरपालिकाका प्रमुख प्रशासकीय अधिकृत भोजराज घिमिरेले हस्ताक्षर गर्नुभयो । रासस

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: निरौला प्रशान्त

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.