जनकपुरधाम, ३ माघ । आर्थिक बर्ष २०७५ र ७६ मा सम्पन्न योजनाको भुक्तानी हालसम्म नदिएको विरोधमा उपभोक्ता समितिका पदाधिकारीले प्रदेश २ का मुख्यमन्त्री र मन्त्रीहरुको फोटो भएको ब्यानर टाँगेर जुत्ता प्रहार गरेका छन् ।

नयाँ आर्थिक वर्षको ६ महिना बित्दासमेत भुक्तानी नपाएको आक्रोसमा उपभोक्ता समितिका पदाधिकारीहरुले जनकपुरधामको जिरोमाइल चोकमा मुख्यमन्त्री लालबाबु राउत, आर्थिक मामिला तथा योजनामन्त्री विजय यादव, भौतिक पूर्वाधार तथा विकासमन्त्री जितेन्द्र सोनल, सामाजिक विकासमन्त्री नवलकिशोर साहको फोटो भएको ब्यानरमा टाँगेर जुत्ता प्रहार गरेका हुन् ।

त्यसक्रममा प्रहरीले हस्तक्षेप गरेर केहीलाई पक्राउ गरेको छ । प्रहरीले रोशन सिंह राणा, विमलेश ठाकुर, शंकर साह र रोशन ठाकुरलाई पक्राउ गरेको हो ।

उनीहरुलाई जिल्ला प्रहरी कार्यालय, धनुषामा राखिएको छ ।

गत आर्थिक बर्षमा योजना सम्पन्न भए पनि प्रदेश सरकारले रकम निकासा नगरेपछि आठै जिल्लाका उपभोक्ता समितिका पदाधिकारीहरुले संघर्ष समिति नै बनाएर आन्दोलनमा उत्रिएका हुन् । उनीहरुले पुस १५ गते प्रदेशसभा भवन अगाडि मुख्यमन्त्री र मन्त्रीहरुविररुद्व नाराबाजीसमेत गरेका थिए ।

९१ करोड बाँकी, प्रदेशसभा नियमित अवरुद्व

आर्थिक बर्ष २०७५र७६ का योजनाको भुक्तानी हुन सकेको छैन । प्रदेश २ का अधिकांश सांसदले गत बर्ष सञ्चालन गरेका संसदीय विकास कोषका साथै सशर्त अनुदान लगायतको योजनाहरुको पनि भुक्तानी पाउन सकेका छैन ।

समयमा भुक्तानी नभएको भन्दै सांसदहरुले प्रदेशसभा बैठक अवरुद्व गर्दै आएका छन् ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.