भक्तपुर, ५ माघ । सञ्चार तथा सूचना प्रविधिमन्त्री गोकुल बाँस्कोटाले प्रत्येक सञ्चारमाध्यममा श्रमजीण्वी पत्रकारको न्यूनतम पारिश्रमिक लागू गराएरै छाड्ने बताउनुभएको छ ।

आज नेपाल पत्रकार महासङ्घ भक्तपुर जिल्ला शाखाको २१औ साधारणसभाको उद्घाटन गर्दै उहाँले श्रमजीवी पत्रकार एवं कर्मचारीको न्यूनतम पारिश्रमिक लागू गर्नबाट सरकार कुनै हालतमा पछि नहट्ने बताउनुभएको हो ।

उहाँले भन्नुभयो, “न्यूनतम पारिश्रमिक लागू भयो भने सञ्चारमन्त्रीलाई कसरी सिकाउनुपर्छ भनेर बैठक बस्दैछ रे, मन्त्री बदलिएलान्, तर नेकपा नेतृत्वको सरकार अब चार वर्ष कुनै हालतमा बदलिँदैन, जोसुकै मन्त्री भए पनि यो सरकारले श्रमजीवीको न्यूनतम पारिश्रमिक लागू गराएरै छाड्छ ।”

पत्रकारले आफ्ना पेशागत कुरा गर्नुपर्नेमा आन्दोलनकारीको माग पूरा गर भन्नु गैरजिम्मेवारी हो भन्दै उहाँले पत्रकारले राजनीति गर्ने हो कि, समाचार लेख्ने हो रु भन्नुभयो । सरकारले सबै क्षेत्रमा काम गरेपनि सरकारप्रति पूर्वाग्राही राखेर समाचार आउने गरेको टिप्पणी गर्दै उहाँले नेपालका मिडिया मालिकको चाहनाअनुसार चल्ने गरेको बताउनुभयो ।

मिडियाले पत्रकारिता नगरी सत्तापक्ष र प्रतिपक्षको भूमिका निर्वाह गर्न थालेको टिप्पणी गर्दै उहाँले सरकारविरुद्ध षडयन्त्रको अभ्यास धेरै दिन नटिक्ने विचार व्यक्त गर्नुभयो । डा गोविन्द केसीले आफ्नो मागविरुद्ध आफैँ अनशन बसेको टिप्पणी गर्दै उहाँले नेपालको मिडिया केसीले देखाएको बालहटको पछि लागेका छन् भन्नुभयो ।

केसीको माग पूरा गर भनेर एउटा पत्रकारले भन्नु गलत भएको बताउँदै मन्त्री बाँस्कोटाले भन्नुभयो, “केसीले सोचेको कुरा उहाँ धर्तीमा एक्लै भएको भए पनि पूरा गर्न सक्नु हुन्थेन, उहाँ आफैँ प्रधानमन्त्री भए पनि शतप्रतिशत माग पूरा गराउन सक्नु हुन्न ।”

महासङ्घले प्रकाशित गरेको स्मारिकाको विमोचनसमेत गर्दै मन्त्री बाँस्कोटाले आफू सरकारमा हुँदा केसीको माग पूरा नगर्ने अहिले माग पूरा गर्नुपर्छ भन्ने प्रवृत्ति गलत भएको बताउनुभयो ।

कार्यक्रममा प्रतिनिधिसभा सांसद महेश बस्नेतले ठूला मिडिया सरकारविरुद्ध अपवाह फैलाएर बद्नाम गराउन खोजेको आरोप लगाउनुभयो ।

पत्रकार महासङ्घका केन्द्रीय अध्यक्ष गोविन्द आचार्यले प्रेस काउन्सिल र सूचना विभागबाट हुने सबै कामलाई अब प्रदेश र स्थानीय सरकारमा हस्तान्तरण गर्नुपर्ने बताउनुभयो । उहाँले जिल्ला जिल्लाबाट केन्द्रमा धाउनुपर्ने अवस्थाको अब अन्त्य हुनुपर्नेमा जोड दिँदै सङ्घीय ढाँचाअनुसार प्रदेश र स्थानीय सरकारलाई अधिकार दिनुपर्नेमा जोड दिनुभयो ।

कार्यक्रममा नेपाल पत्रकार महासङ्घका उपाध्यक्ष दिलीप थापामागर, नेकपामा भक्तपुर अध्यक्ष वचन देउजा, नेपाली काङ्ग्रेसका जिल्ला सभापति दुर्लभ थापा, जिल्ला समन्वय समितिका प्रमुख नवराज गेलालले सञ्चारमाध्यमले निष्पक्षरुपमा समाचार सम्प्रेषण गर्नुपर्नेमा जोड दिनुभयो ।

साधारणसभामा पत्रकार महासङ्घ भक्तपुरको भवन निर्माण गर्ने, श्रमजीवी पत्रकार ऐन कार्यान्वयन गर्नुपर्ने, साना सञ्चारमाध्यमलाई लोककल्याणकारी विज्ञापन दोब्बर गर्दै समानुपातिक विज्ञापन प्रणाली लागू गर्नुपर्नेलगायतका आठ बुँदे घोषणापत्र जारी गरेको महासङ्घ भक्तपुरका अध्यक्ष एवं कार्यक्रममा सभापति पुष्करराज बुढाथोकीले बताउनुभयो ।

कार्यक्रममा नगद रु दुई हजार ५०० को मैयादेवी स्मृति पत्रकारिता पुरस्कार नारायण किलम्बुलाई प्रदान गरिएको थियो ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: निरौला प्रशान्त

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.