Enepal Patra Pvt. Ltd. , ५४९ पटक हेरिएको
विराटनगर, १३ चैत । प्रदेश १ का मुख्यमन्त्री शेरधन राईले मन्त्रिपरिषद् विस्तार गर्ने हुनुभएको छ । नयाँ मन्त्रीहरुको शुक्रबार अपरान्ह १ बजे सपथग्रहण राखिएको मुख्यमन्त्रीका प्रेस सल्लाकार ध्रुव सुवेदीले जानकारी दिनुभयो ।
पुनर्गठनमा माओवादीबाट एमाले प्रवेश गरेका प्रदेशसभा सदस्य टंक आङबोहाङ अर्थमन्त्री हुने निश्चित छ । माधव नेपाल समूह छाडेर आउनुभएकी सांसद उषाकला राई सामाजिक विकास मन्त्री हुने बताइएको छ ।
राज्यमन्त्री रहेका अम्बिरबाबु गुरुङ भौतिक पूर्वाधारमन्त्री र राम रानालाई कृषिमन्त्रीको जिम्मेवारी दिने तयारी छ । उदयपुरकी कला घले कृषि राज्यमन्त्री र मोरङका राजकुमार ओझा वन राज्यमन्त्री नियुक्त गर्ने तयारी छ । ज्ञानेश्वर राजवंशीलाई पनि राज्यमन्त्री बनाउने तयारी छ ।
प्रकाशित मिति: २०२१-०३-२६ , समय : ११:१७:२७ , ३ वर्ष अगाडि