बेरूत, २६ असार । कोभिड–१९ को विश्वव्यापी प्रकोपको कारण पर्यटकहरूको अभावले लेबनानमा कूल ५६० होटल बन्द भएका छन् ।

 

होटेल व्यवसायीहरूको साझा संस्था, ‘सिन्डीकेट अफ होटल आउनर इन लेबनान’ का अध्यक्ष पियरे आश्करका अनुसार लेबनानको पर्यटन क्षेत्रको सफलताको लागि सबैभन्दा महत्वपूर्ण भूमिका निर्वाह गर्ने खाडीका पर्यटकहरूको आवागमन नहुँदा हामीले वित्तीय समस्याको सामना गर्नु परेको छ ।

 

आशकरले भन्नुभयो, “लेबनानमा कोभिड–१९ सङ्क्रमितको सङ्ख्या देखिन थालेसँगै युरोपेली संघले लेबनान आउने पर्यटकहरू आउने ढोका बन्द भएको थियो र यो आजसम्म कायम छ ।”

 

लेबनानले सन् २००९ मा आठ अर्ब ५० करोड र सने २०१० मा नौ अर्ब २० करोठ अमेरिकी डलर आम्दानी गरेको थियो । तर पछिल्ला वर्षहरूमा राजनीतिक स्थायित्व नहुँदा लेबनानमा यूरोपबाट आउने पर्यटकको सङ्ख्यामा निकै कमी आएको थियो । यसमा पनि गत वर्षको अक्टोबरमा भएको राष्ट्रव्यापी विरोधका कार्यक्रमका कारण सङ्कटमा परेको होटल क्षेत्र महामारीका कारण थप प्रभावित बनेको छ ।

 

देशका प्रसिद्ध तथा ठूला होटलहरू अल–हब्तोर, मुन्रो र ब्रिस्टल होटलसहित अन्य ५६० होटलले पूर्णतया बन्द भएका बताइएको छ ।

 

पर्यटन संस्थाहरूले यसभन्दा पहिले सरकारले करहरू छुट दिने, कर्जा भुक्तान गर्ने र बिजुली बिल जस्ता सुविधाहरूको लागि आफ्नो सञ्चालनलाई निरन्तरता दिन आग्रह गरेका भएपनि सरकारबाट उक्त सहयोगको प्रतिवद्धता नआएपछि बन्द भएका हुन् ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: निरौला प्रशान्त

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.