Enepal Patra Pvt. Ltd. , १००८ पटक हेरिएको
धनकुटा, २१ जेठ । नेपाल विद्यार्थी संघ धनकुटा क्याम्पसकी सभापति नेतृ करुणा कटुवालले क्वारेन्टाइनमा रहेका ४ जनालाई १४ दिनका लागि आवश्यक खाना खाजाका लागि सहयोग गरेकी छन् । बुधबार उनले खाना खाजाको व्यवस्थाका लागि आवश्यक १६ हजार ८ सय रुपैयाँ सहयोग गरेकी हुन् । उनले सो रकम महालक्ष्मी नगरपालिका वडा नम्बर १ का वडा अध्यक्ष टेकबहादुर गुरुङलाई हस्तान्तरण गरेकी हुन् ।
महालक्ष्मी नगरपालिका वडा नम्बर एकमा उच्च सतर्कता अपनाउँदै ४ जनालाई क्वारेन्टाइनमा राखिएको छ। ‘यस असहज परिस्थितिमा क्वारेन्टाइनमा राखिएका ४ जनाको १४ दिनको खाना खाजाको सम्पूर्ण खर्च मेरो व्यक्तिगत तर्फबाट भुक्तानी गरि सहयोग गरेको छु,’ उनले जानकारी दिइन् ।
यसअघि उनले लकडाउनका कारण समस्यामा रहेका विद्यार्थीहरले खाद्यान्न र अन्य सहयोग गरेकी थिइन् ।
प्रकाशित मिति: २०२०-०६-०३ , समय : १६:३०:१६ , ४ वर्ष अगाडि