ईनेपालपत्र संबाददाता , ८ पटक हेरिएको
क्यालफोर्निया, १० जेठ। अमेरिकाको क्यालिफोर्नियामा एउटा रासायनिक ट्याङ्की चुहावट भए पछि आतंक मच्चिएकोछ।
डिज्नील्याण्ड थिम पार्कबाट एक किलोमिटरभन्दा कम दूरीमा रहेको एयरोस्पेस कारखानामा रहेको रासायनिक ट्याङ्की अत्यधिक तातो भएर चुहावट भए पछि आतंक मच्चिएको हो।
सो घटना पछि वरपरका लगभग ४० हजार मानिसहरूलाई खाली गरिएको थियो। धेरै विद्यालयहरू बन्द गरिएका थिए र राहत शिविरहरू खोलिएका छन, जुन अहिले भरिएका छन्।
यो घटना क्यालिफोर्नियाको ओरेन्ज काउन्टीको गार्डेन ग्रोभमा भएको हो। जीकेएन एरोस्पेसमा, मिथाइल मेथाक्रिलेट नामक रसायन भएको प्रेसराइज्ड ट्याङ्की धेरै तातो भए पछि विषाक्त ग्याँस निस्कन थालेको अधिकारीहरूले जनाएका छन्।
ओरेन्ज काउन्टी फायर अथोरिटीका अधिकारीहरू भन्छन् कि ट्याङ्की विस्फोट हुन सक्छ वा फुट्न सक्छ सम्भावित रूपमा विषाक्त रसायन जमिनमा फैलिन सक्छ।
अधिकारीहरूका अनुसार ट्याङ्कीमा लगभग २२ हजार ७०० देखि २६ हजार लिटर मिथाइल मेथाक्रिलेट थियो, जुन प्लास्टिक बनाउन प्रयोग हुने खतरनाक रसायन हो। अग्नि नियन्त्रक अधिकारीहरूले अवस्था गम्भीर रहेको र ट्याङ्की विस्फोट हुनबाट रोक्न प्रयास भइरहेको बताएका छन्। मानिसहरूलाई अफवाह र अनावश्यक कलहरूबाट बच्न आग्रह गरिएको छ।
सुरुमा गार्डेन ग्रोभका बासिन्दाहरूलाई मात्र आफ्नो घर खाली गर्न आदेश दिइएको थियो, तर खतरा बढ्दै जाँदा अन्य पाँच ओरेन्ज काउन्टी शहरहरू साइप्रस, स्ट्यान्टन, अनाहिम, बुएना पार्क र वेस्टमिन्स्टरका बासिन्दाहरूलाइ पनि सुरक्षित रहन भनिएको छ।
यद्यपि, दुबै डिज्नील्याण्ड थिम पार्कहरू हाल निकासी क्षेत्रमा समावेश भने छैनन्। अधिकारीहरूले तीन उच्च माध्यमिक विद्यालयहरू सहित धेरै स्थानहरूमा आश्रयहरू स्थापना गरेका छन्, जहाँ मानिसहरूलाई अस्थायी रूपमा राखिएको छ।
अधिकारीहरूका अनुसार अहिलेसम्म कुनै पनि घाइते वा मृत्युको रिपोर्ट आएको छैन। कम्पनीले एक विज्ञप्ति जारी गर्दै स्थानीय बासिन्दा र कर्मचारीहरूको सुरक्षा सुनिश्चित गर्न आपतकालीन सेवाहरू र विशेषज्ञ टोलीहरूसँग काम गरिरहेको बताएको छ।
प्रकाशित मिति: २०२६-०५-२४ , समय : ०९:१२:२२ , १ घन्टा अगाडि