हरि कोइराला ,

पथरीशनिश्चरे(मोरङ), २ माघ । पूर्व पश्चिम राजमार्ग अन्तरगत मोरङको जिरिखिम्तिमा बिहीबार अपरान्ह प्रहरीले गाडी रोक्दै प्रेसर हर्न झिकिदियो । लामो तथा छोटो दुरीका यात्रुबाहक बस मात्र होइन, मालबहाक ट्रक,ट्याक्टर जीप, भ्यान पनि प्रहरीले रोक्यो र सहचालकको सहयोगमा प्रेसर हर्न झिकिदियो ।

प्रेसर हर्न झिक्ने टोलीको नेतृत्व पथरीशनिश्चरेस्थित इलाका प्रहरी कार्यालय पथरीका प्रहरी नायव उपरिक्षक दिलिपकुमार गिरीले गर्नु भएको थियो ।
किन यसरी गाडी रोक्दै प्रेसर हर्न झिकिरहनु भएको छ भन्ने प्रश्नमा उहाँले भन्नुभयो वातावरणमा ध्वनि प्रदुषण भइरहेको छ । गिरीले भन्नुभयो–‘ आम चालकले प्रेसर हर्न बजाएपछि सडकको जाम खुल्छ भन्ने बुझेका छन् । प्रेसर हर्नले सडकमा ध्वनि प्रदुषण हुने र कानको श्रवण शक्ति कमजोर हुँदै जाने उहाँले बताउनु भयो । बिहीबार मध्यान्ह १ बजेबाट जिल्ला मै पहिलो पटक सुरु भएको अभियान केही दिन सञ्चालन हुने गिरीले बताउनु भयो । बिहीबार बेलुका सम्म झण्डै २ सय सवारी साधनको प्रेसर हर्न हटाइएको उहाँको भनाई छ ।
तर, सवारी चालकहरूले भने सडक बिस्तार नगरी प्रेसर हर्न मात्र हटाउँदा दुर्घटना अझै बढ्न सक्ने प्रतिक्रिया दिएकाछन् । बा ७ ख ७१८४ का चालकले नाम उल्लेख नगर्ने सर्तमा भन्नुभयो – सवारी साधन भित्रिने क्रम तीव्र छ । अघिल्लो वर्षको तुलना यो वर्ष पनि दोब्बर सवारी साधन भित्रिए । जनसङ्ख्या वृद्धिको दर पनि उस्तै छ । तर , सडक उही हो । २०२८ साल तिर बनेको सडकमा यति धेरै सवारी साधन धन्न चलेका छन् । उहाँले सडकको चौडाई नबढेकोमा गुनासो गर्नुभयो ।
अझ पहाडी सडकमा गुड्ने यात्रु र मालबाहक गाडीले प्रेसर हर्न हटाउ्रँदा घुम्तीमा विपरित दिशाबाट आउने गाडीसँग ठोक्किने सम्भावना रहेको चालकहरूको भनाई छ ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

संवाददाता : अनन्तराम बराल

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2022 Enepal Patra Pvt. Ltd.