प्रशान्त निराैला , ११ पटक हेरिएको
लेटाङ, १४ भदौ । लेटाङ नगरपालिका वडा नँ ४ वडा कार्यालय परिसर र वरिपरिको क्षेत्र आज श्रमदान अभियानमार्फत सरसफाइ गरिएको छ । धरानका स्वतन्त्र नागरिक समाजका अध्यक्ष समीर तामाङ र लेटाङका अध्यक्ष ललितबहादुर लिम्बूको नेतृत्वमा अभियान प्रारम्भ गरिएको हो ।
यस श्रमदान कार्यक्रममा करिब ५ सय मानिसहरूको सक्रिय सहभागिता रहेको थियो । अभियानमा स्थानीय बासिन्दादेखि विभिन्न सामाजिक क्षेत्रमा क्रियाशील युवाहरू हातेमालो गर्दै सहभागी भएका थिए ।
धरानका अध्यक्ष समीर तामाङले अभियान देशभर विस्तार हुँदै गएको उल्लेख गर्दै भन्नुभयो, “यो अभियान केवल सरसफाइमा मात्र सीमित छैन, यसले नागरिकलाई एकजुट गराउने र भ्रष्टाचारविरुद्ध चेतना जगाउने काम गर्नेछ ।”
तेस्तै, लेटाङका अध्यक्ष ललितबहादुर लिम्बूले भ्रष्टाचारविरुद्ध दृढ अडान लिँदै भन्नुभयो, “समाज परिवर्तनका लागि सबैले हातेमालो गर्न जरुरी छ । मेरो एकल प्रयासले सम्भव हुँदैन, सबैको साथ र सहयोगले मात्र यस अभियानलाई सफल बनाउन सकिन्छ । जय श्रमदान, जय हर्कवाद ।”
अभियानमा समुदाय र गाउँ–टोलको विकासका लागि जाति, धर्म र पार्टीभन्दा माथि उठेर अगाडि बढ्नका लागि अध्यक्ष लिम्बुले सन्देश प्रवाह गर्नुभयो ।
प्रकाशित मिति: २०२५-०८-३० , समय : १८:०७:०४ , ८ घन्टा अगाडि