हाम्रो समाचारदाता , ३१९ पटक हेरिएको
सुन्दरहरैँचा , २५ साउन । सुन्दरहरैँचा नगरपालिका–१० स्थित सुकुना माध्यमिक विद्यालयको तीन तलामाथिबाट खसेर (बुधबार) बिहान एक जना छात्रा गम्भीर घाइते भएकी छन् ।
घाइते हुनेमा कक्षा १० मा अध्ययनरत १६ वर्षीया युनिका चौधरी रहेकी छन् । सप्तरीको बोदेवरसाइन गाउँपालिका–३ घर भएकी उनी सुन्दरहरैँचा–१२ का भोला खतिवडाको घरमा डेरा बस्थिन् ।
घाइतेलाई उपचारका लागि विराटनगरको नोबेल शिक्षण अस्पताल लगिएको प्रहरीले जनाएको छ । खुट्टा तथा शरीरका विभिन्न भागमा चोटपटक रहेको प्रहरीले जनाएको छ ।
घटनाका बारेमा अनुसन्धान सुरु गरिएको प्रहरीले जनाएको छ । विद्यालयले भने युनिका आफैँले हामफालेको जानकारी प्रहरीलाई दिएको छ ।
प्रकाशित मिति: २०२२-०८-१० , समय : १४:२०:०३ , २ वर्ष अगाडि