लेटाङ, ३१ असार । बर्दीमा टिकटक भिडियो बनाएपछि इलाका प्रहरी कार्यालय लेटाङ मोरङमा कार्यरत दुई प्रहरीमाथि छानबिन सुरु भएको छ ।
प्रहरी पोशाकमै टिकटक बनाएर फेसबुकमा पोस्ट गरेकाले कारबाहीका लागि हवल्दार रेनुका सोनाम र जवान अशोक राईमाथि छानबिन सुरु गरिएको मोरङ प्रहरीका प्रवक्ता डीएसपी मानबहादुर राईले बताए ।
प्रहरी संगठनको आचरण र मर्यादाविपरीत गतिविधि गर्दै सोनाम र राईले एउटै टेबुलमा बसेर बनाएको टिकटक सामाजिक सञ्जालमार्फत सार्वजनिक गरेको उनले बताए ।
टिकटक बनाउँदा उनीहरूले आफ्नो अगाडि टेबुलमा प्रहरीका दुईवटा सञ्चार सेट (वाकिटकी) पनि राखेका छन् । डीएसपी राईकाअनुसार उक्त टिकटक प्रहरी प्रधान कार्यालयले जारी गरेको सामाजिक सञ्जाल प्रयोगसम्बन्धी निर्देशिका विपरीत हो ।
उनीहरूले कुन गीत वा डाइलगमा टिकटक भिडियो बनाए भन्ने कुरा मोरङ प्रहरीले गोप्य राखेको छ । डीएसपी राईले दुई जना मिलेर बनाएको टिकटक फेसबुकमा उनीहरूले नै पोस्ट गरेको वा अरुले गरिदिएको हो भन्ने छानबिन भइरहेको बताए ।
निर्देशिकाअनुसार प्रहरीमा कार्यरत रहेकाले पोशाक वा प्रहरीको चिन्ह प्रयोग गरेर व्यक्तिगत रूपमा खिचेको फोटो वा भिडियो आफू स्वयंले सामाजिक सञ्जालमा पोस्ट गर्न नमिल्ने उनको भनाइ छ ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: निरौला प्रशान्त

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.