कानेपोखरी(मोरङ), १७ फागुन । कानेपोखरी गाउँपालिका स्तरीय राष्ट्रपति रनिङ शिल्डको १२ औं संस्करण शनिबारबाट सुरु भएको छ ।
प्रतियोगिताको जिल्ला समन्वय समिति मोरङका संयोजक नरेश पोख्रेलले एक समारोहका बीच गर्नुभयो । जनसेवा माध्यमिक विद्यालयको खेल मैदानमा भएको उद्घाटन समारोहलाई सम्बोधन गर्दै कार्यक्रमको प्रमुख अतिथि समेत रहनु भएका संयोजक पोख्रेलले गाउँघरबाटै सन्दिप लामिछाने र बैकुण्ठ मानन्धरहरू उत्पादन हुने बताउनु भयो । पोख्रेलले राष्ट्रपति रनिङ शिल्ड खेलकुदका प्रतिभा जन्माउने पहिलो पाठशाला भएको बताउँदै यहीँबाट उत्पादित खेलाडीले भोलि राष्ट्रका लागि खेल खेल्ने उल्लेख गर्नुभयो ।
खेलसँगै अध्ययनलाई पनि अघि बढाउनु पर्नेमा जोड दिँदै उहाँले खेलकुद पनि अब ब्यावसायका रुपमा विकसित भइसकेकोले उत्कृष्ठ खेल खेल्नेले निरास हुनु नपर्ने बताउनु भयो । कार्यक्रममा बोल्दै जिल्ला खेलकुद विकास समिति मोरङका सदस्य सचिव देवराज कट्वालले खेलका माध्यमले राष्ट्रको परिचय निर्माण हुने बताउनु भयो ।
गाउँपालिकाका अध्यक्ष ताराबहादुर काफ्लेको सभापतित्वमा भएको उद्घाटन कार्यक्रममा स्थानीय आयोजकका तर्फबाट जनसेवा माविका प्रधानध्यापक दामोदर सिग्देलले स्वागत मन्तब्य गर्नुभएको थियो ।
फागुन १८ गते सम्म हुने राष्ट्रपति रनिङ शिल्ड २०७६ मा गाउँपालिका ८ वटा सामूदायिक र ५ वटा संस्थागत विद्यालयले प्रतिस्पर्धा गरिरहेका छन् । सामूदायिक तर्फ जनकल्याण,जनसेवा,बाल,शिक्षा सदन,सिंहदेवी,शिक्षा विकास, श्रीमावि,भौंसावारी र श्रीमावि होक्लाबारी रहेका छन् । यस्तै संस्थागत तर्फ आदर्श, पर्ल एकेडेमी,रमाइलो बाल जगत,माउण्ट हर्मन र पिनाकल ज्ञान मन्दिर रहेका छन् ।
प्रतियोगितामा एथलेटिक्स तर्फ विभिन्न विधाका १७ खेल हुनेछन् । जसमा छात्रा र छात्रका लागि अलग अलग खेल हुनेछन् । त्यस्तै कवड्डी र भलिवल खेल हुनेछन् ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.