विराटनगर, १३ फागुन । प्रदेश नं. १ का प्रदेश सभामा सबैभन्दा शसक्त देखिनु भएका प्रदेश सभा सदस्य एवं प्रमुख विपक्षी दल नेपाली कांग्रेसका सचेतक सूयर्माराज राईले प्रधानमन्त्री खड्गप्रसाद ओलीको राजिनामा माग्नु भएको छ ।
मङ्गलबार संसदमा विशेष समय लिएर बोल्दै उहाँले कविता मार्फत नै प्रधानमन्त्रीलाई तीखो ब्यङ्ग गर्दै राजीनामा समेत माग्नुभयो । उहाँले प्रधानमन्त्रीले जनताका आधारभूत समस्या समाधानका विषयमा भन्दा ख्याल ठट्टामा दैनिकी बिताएको विषयलाई कविताका माध्यमबाट प्रस्तुत गर्नु भएको थियो । सांसद राईले कवितामा सारङ्गी रेटेको देखि जन्मदिनमा केक काटेर मण्डले चरित्र देखाएको विषयलाई उठाउनु भएको छ ।
राष्ट्रवादी बनेर जन समर्थन लिने तर,करोडौं अरवौ भ्रष्टाचार गर्ने सरकार प्रति उहाँले तीखो ब्यङ्ग्य गर्नु भएको छ ।
उहाँले संसदमा बाचन गरेको कविता जस्ताको तस्तै ।
बालुवाटारमा बेसुरा सारङ्गी रेटेको देखियो ।
सर्वहारा वर्थ डे मा केक होकी देश काटेको देखियो ।।
सामन्ती, बुर्जुवा पुँजीपति जनताका शत्रु हुन भन्थे ।
सर्वहारा प्रधानमन्त्रीको मण्डले चरित्र फाटेको देखियो ।।
समृद्ध नेपाल सुखी नेपालीको नारा त सुनेकै हो ।
करोड अरवको कमिसनमा त्यो सबै साटेको देखियो ।।
भ्रष्टाचारीको मुख हेर्दिन नयाँ तुक्का शब्दकोषमा ।
आफ्नो अनुहार ऐनामा मज्जाले चाटेको देखियो ।।
नेपाल र नेपालीको भाग्य बदल्छु भन्नेले ।
काखी च्यापी घुसखोरीलाई, जनता ढाँटेको देखियो ।।
मेची काली पहाड तराई जय राष्ट्रबाद ।
बेला बेला उत्तर दक्षिण शीर काटेको देखियो ।।
राजीनामा माग्छन जनता ए प्रधानमन्त्री ज्यू ।
नैतिकता कुन चरी हो ?उल्टै सोध्न आँटेको देखियो ।।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.