कैलाश लामा
चरिकोट, दोलखा, ५ फागुन । दोलखामा निर्माणाधीन राष्ट्रिय गौरवको माथिल्लो तामाकोशी आयोजनाको निर्माण कार्य अन्तिम चरणमा पुगेको बेला त्यसैको क्यासकेड प्रोजेक्ट तामाकोशी ५ जलविद्युत आयोजनाको निर्माण कार्य पनि अघि बढेको छ ।
बिगु गाउँपालिका वडा नम्बर– ३ मा निर्माण हुँने ९९ दशमलव ८ मेगावाट क्षमाताको तामाकोशी ५ जलविद्युत आयोजनाको मुख्य कार्यालय, आवासगृह लगायतको निर्माण कार्य अघि बढेको हो ।
ठेकेदार कम्पनी श्रीङ्गेश्वर प्रेररा जेभीले २५ करोड ९१ लाख रुपियाँमा २०७७ साल मंसिर ४ गते ठेक्का सम्झौता गरि पुस ४ बाट निर्माण कार्य सुरु गरेको हो ।
जामुने स्थित सिंगटी–लामाबागर मुख्य सडकबाट कार्यलय भवन तथा आवासगृहसम्म जाने सडक निर्माण कार्य सकेर कार्यलय तथा आवासगृहका लागि जग्गा सम्याउने काम भइरहेको श्रीङ्गेश्वर प्रेररा जेभीका प्रोजेक्ट म्यानेजर सञ्जिवलाल कायस्थले जानकारी दिनुभयो ।
सम्झौता अनुसार क्याम्प बिल्डिङ निर्माणको काम १८ महिना अर्थात २०७९ साल असार ३ गतेसम्म १४ वटा भवन लगाएत अन्य संरचना निर्माण गरि सकाउनुपर्ने छ । तामाकोशी ५ आयोजना अप्पर तामाकोशीको पानी डाइभर्सन गरेर उत्पादन गरिने आयोजना भएकोले यो आयोजना निर्धारित समयमै बन्ने विश्वास गरिएको छ ।
यो आयोजनाको लागि हेडवर्कस् ट्रान्समिसन लाइन र मुख्य सडक बनाउनु नपर्ने भएकोले पनि कम लागतमा छिट्टै बिद्युत उत्पादन गर्न सकिने आयोजनाका इञ्न्जिनियर नवीन न्यौपाने बताउनुहुन्छ ।
उहाँका अनुसार आयोजनाको क्याम्प बिल्डिङ जामुनेमा र पावर हाउस सुरी दोभानबाट करिब १२५ मिटर भित्र भुमिगत रुपमा रहनेछ । अप्पर तामाकोशी को मुख्य कार्यलय रहेको गोंगरबाट केहि तल अवस्थित अप्पर तामाकोशीको पानीको यो आयोजनाका लागि प्रयोग गरिनेछ ।
अप्पर तामाकोशीको टेलरेसमा इन्टर कनेक्सन गरेपछि हेडपोण्डमा पानी जाने बनाइनेछ । त्यसपछि आठ किलोमिटर टनेल हुँदै सर्च ट्याङ्ङ र सर्च ट्याङकबाट ४ दशमलव ३ डायमिटरको करिब १५३ मिटरको भर्टिकल साफ्ट र ३५ मिटर होराइजेन्टल पेनस्टक हुदै टर्वाइ घुमाएर बिद्युत निकालिने छ ।
आयोजनामा ३१ दशमलव ६ मेगावाट क्षमताको ३ वटा र ५ मेगावाट क्षमताको एक वटा टर्वाइन जडान गरिनेछ ।
अप्पर तामाकोशी पिकिङ रन अफ दि रिभर प्रोजेक्ट भएको र त्यसैको क्यासकेड प्रजेक्ट भएकोले तामाकोशी पाँच जलविद्युत आयोजना पनि पिकिङ रन अफ दि रिभर प्रोजेक्ट नै रहेको ईन्जिनियर न्यौपाने बताउनुहुन्छ ।
आयोजाको बिस्तृत ईन्जिनियरिङ डिजाइन तथा टेन्डर डकुमेन्ट तयारीको काम सकिएको उल्लेख गर्दै आयोजनाका इन्जिनियर न्यौपानले पैसा जुटेपछि टेन्डर आव्हान हुने बताउनुभयो ।
यो रेडिमेड प्रोजेक्ट भएकोले काम सुरु भएको मितिले चार वर्षमा सकिने लक्ष्य राखिएको छ ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.