काठमाडौँ, साउन २४ गते । ऊर्जा, जलस्रोत तथा सिँचाइमन्त्री वर्षमान पुनले तराई मधेसको बाढीका कारण क्षति भएको सिँचाइका स्थायी संरचना निर्माणका लागि दुई अर्ब रुपियाँभन्दा बढी लागत अनुमान गरिएको बताउनुभएको छ ।
प्रतिनिधिसभामा विशेष सयम लिएर मन्त्रालयसम्बद्ध प्रश्नमा जवाफ दिँदै मन्त्री पुनले बाढीका कारण भत्किएका सिँचाइका संरचना निर्माणमा तत्कालका लागि ३३ करोड र स्थायी संरचना निर्माणका लागि दुई अर्ब ११ करोड २२ लाख रुपियाँ लागत अनुमान गरिएको बताउनुभएको हो । उहाँले विभिन्न समयमा सदनका शून्य र विशेष समयमा सांसदहरूले उठाएका प्रश्नमा लागत स्पष्ट पार्नुभएको हो ।
सदनमा जवाफका क्रममा मन्त्री पुनले भन्नुभयो, “तत्काल निर्माणका लागि ३३ करोड रुपियाँ लागत हामीले अनुमान गरेका छौँ । यसका लागि प्रधानमन्त्री दैवीप्रकोप उद्धार कोषसँग माग गरिएको छ । स्थायी संरचना बनाउन दुई अर्ब ११ करोड २२ लाख लाग्ने अनुमान गरेका छौँ । उक्त रकमका लागि अर्थ मन्त्रालयमा माग भएको छ ।”
मन्त्री पुनले आकस्मिक रूपको अनावृष्टिका कारण क्षति बढेको पनि बताउनुभयो । औसत रूपमा पर्ने गरेको तुलनामा पानी अझै नपरे पनि कतिपय क्षेत्रमा अनावृष्टि भएको मन्त्री पुनको भनाइ छ । उहाँले बाढीबाट क्षति पुगेका जिल्लामा तत्काल पुनःनिर्माणका लागि रकमसमेत विनियोजन भइसकेको जानकारी सदनमा दिनुभयो ।
उहाँले प्राकृतिक विपत्ति मानव सिर्जित समस्या भएकाले यसतर्फ सचेत रहन पनि आग्रह गर्नुभयो । विपद् व्यवस्थापन प्राधिकरण निर्माण गर्ने विधेयक पारित भइसकेको अवस्थामा सोअनुसार संरचना निर्माणमा सबै तहका सरकारले तदरुकता दिनुपर्ने भनाइ उहाँको छ । नदी नियन्त्रणका लागि सङ्घ, प्रदेश र स्थानीय तहमा स्पष्ट कार्यविभाजन रहेको पनि मन्त्री पुनको भनाइ छ ।

जुम्ला केन्द्रीय प्रसारणमा
मन्त्री पुनले आगमी दुई वर्षभित्र जुम्ला जिल्ला विद्युत्को केन्द्रीय प्रसारण लाइनमा जोडिने बताउनुभयो । अघिल्लो बैठकमा सांसद गजेन्द्रबहादुर महतले सरकारले विद्युत् निर्यातको योजना बनाइरहे पनि जुम्ला अन्धकारमा रहेको भन्दै आलोचना गर्नुभएको थियो । वैकल्पिक रूपमा सञ्चालनमा रहेको लघुजलविद्युत् पनि बन्द रहेको भन्दै महतले आलोचना गर्नुभएको थियो ।
सांसद महतले उठाएका प्रश्नमा जवाफ दिँदै मन्त्री पुनले अस्थायी रूपमा कालीगण्डकी जलविद्युत् आयोजनाको ३०० केभीए क्षमताको डिजल प्लान्टलाई जुम्ला लैजाने निर्णय भइसकेको बताउनुभयो । उहाँले केन्द्रीय प्रसारण लाइनमा जुम्लालाई जोड्नका लागि प्रसारण लाइन निर्माणाधीन रहेको पनि जानकारी दिनुभयो । प्रसारण लाइनको ठेक्का सम्झौता सम्पन्न भइसकेको भन्दै उहाँले दुई वर्षभित्र जुम्ला केन्द्रीय प्रसारण लाइनमा जोडिने बताउनुभयो ।
मन्त्री पुनले भन्नुभयो, “दैलेख मार्माको प्रसारण लाइन निर्माणका लागि पनि ठेक्का सम्झौता भइसकेको छ । दुई वर्षभित्र जुम्ला केन्द्रीय प्रसारण लाइनमा जोडिन्छ ।”

 

 

गोरखापत्र

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.