बेलबारी(मोरङ),२ माघ । नेपाल कम्युनिष्ट पार्टी (क्रान्तिकारी माओवादी)का महासचिव मोहन वैद्य (किरण)ले मुलुकको वर्तमान राजनीतिक अन्यौल मध्यावधि निर्वाचन वा संसद पुनस्र्थापनाले टार्न नसक्ने बताउनु भएको छ ।
मोरङको बेलबारीमा पार्टीले आयोजना गरेको पत्रकार सम्मेलनमा बोल्दै महासचिव किरणले संसदीय ब्यवस्था पूर्ण रुपमा असफल भइसकेको उल्लेख गर्नुभयो । संसदीय ब्यवस्था ,वर्तमान संविधान र शासन प्रणाली असफल भएकै कारण वर्तमान राजनीतिक सङ्कट आएको बताउँदै उहाँले संसदीय ब्यवस्था बिग्रिएपछि फाँसीवाद स्थापना हुने धारणा राख्नुभयो । मुलुक फाँसीवाद उन्मुख रहेको आरोप लगाउँदै नेता किरणले भन्नुभयो – संसदीय ब्यवस्थाको भ¥याङ प्रयोग गरेर सत्तामा पुग्नेहरू असली कम्युनिष्ट हुन सक्दैनन् । नयाँ जनवादी जन गणतन्त्र स्थापना नभएसम्म गरीव, विपन्न र मजदुरहरूको हित हुन नसक्ने उहाँको भनाई थियो । सडकमा राजा आउँ देश बचाउँको नारा लाग्न थालेको संस्मरण गर्दै उहाँले उनीहरूलाई नारा लगाउने अधिकार भए पनि राजा आएर पनि कुनै परिवर्तन हुन नसक्ने ठोकुवा गर्नुभयो । राजा वा संसदीय ब्यवस्था वा पञ्चायत कुनै ब्यवस्थाले पनि वर्तमान सङ्कटलाई पार लगाउन सक्दैन ।
महासचिव किरणले मध्यावधि निर्वाचन र संसद पुनस्र्थापना नभए देशमा संकटकाल लाग्न सक्ने वा अरु नै खतरनाक ब्यवस्था आउन सक्ने सङ्केत गर्नुभयो । चुनाव भए क्रान्तिकारी माओवादी सहभागि हुन्छ कि हुन्न भन्ने जिज्ञाषामा उहाँले संसदीय निर्वाचनलाई आवश्यकता अनुसार उपयोग वा बहिस्कार गर्ने बताउनु भयो । उहाँका भनाई थियो –तत्काल निर्णय गर्छौं ।
झापा आन्दोलन र १० वर्षे जनयुद्ध संसदीय ब्यवस्था मान्नका लागि नभएको बताउँदै अब सङ्घीय जनगणतन्त्र प्राप्तिका लागि आन्दोलन गर्नुपर्ने उहाँले बताउनु भयो । संसदीय ब्यवस्थाले थे्रसहोल्ड लगाएर साना पार्टीको अस्तित्व अस्वीकारेले संसदीय ब्यवस्था फाँसीवादी तिर गएको उहाँले उल्लेख गर्नुभयो ।
सुरुमा शान्तिपूर्ण आन्दोदन र त्यसको सुनुवाई नभए बल प्रयोग गरेर भएपनि नयाँ जनवादी राज्य ब्यवस्था स्थापना गर्नु अन्तिम बिकल्प भएको उहाँको ठहर छ । कम्युनिष्टहरूले बल प्रयोग गरेरै नयाँ जनवादी राज्य सत्ता प्राप्त गर्ने जिकीर गर्दै उहाँले त्यो अन्तिम विकल्प भएको बताउनु भयो ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.