Enepal Patra Pvt. Ltd. , ४४५३ पटक हेरिएको
लेटाङ २४ पुस। लेटाङ नगरपालिका वडा नम्बर ७ वाराङ्गीका ३ बालबालिकाहरुलाई आज स्थानीयहरुको सहयोगमा उद्धार गरिएको छ।
बिहिवार बिहान आफ्नो बुवा लाई भेट्न भनी बेलबारी हिडेका ३ जना बालबालिकाहरु रात परेपछी बेलबारी नपुगि पछि लेटाङ २ पैतिसबिगेमा परालको माचमा राती सुतेका थिए । शुक्रबार बिहान पुन हिड्ने क्रममा जोगि भेषका अपरिचित ब्यक्तीको संसर्गमा उनिहरु पुगेका थिए।
अपरिचित ब्याक्तिको नियन्त्रणमा परेका बालबालिकाहरु लेटाङ ७ खोलाघारी घर भएका बर्ष १२ कि सुमित्रा राई बर्ष ११ का छबिलाल लिम्बू र बर्ष १० का कुसल लिम्बू रहेका छन्।
लेटाङ २ का स्थानीय भोला पौडेलले बेलबारी जाने क्रममा सङ्कास्पद ब्यक्तिसंग बालबालिकालाई देखेपछि बुधबारे प्रहरी चौकीमा खबर गरेका थिए । स्थानीय र प्रहरीको सहायतामा अभियुक्तलाई नियन्त्रणमा लिएर बालबालिका हरुको सकुशल उद्दार गरिएको हो ।
हाल बालबालिका सहित उक्त मानिस ईलाका प्रहरी कार्यलय लेटाङको नियन्त्रणमा रहेका छन भने थप अनुसन्धान भैइरहेको प्रहरीले जनाएको छ ।
प्रकाशित मिति: २०२१-०१-०८ , समय : १३:०१:२४ , ३ वर्ष अगाडि