काठमाडौँ, १६ मङ्सिर । मुलुकभरको गरी तीन हजार तीन सय किलोमिटर सडक मर्मत गरिनेभएको छ । ‘समृद्ध नेपालका लागि सडक, रेल तथा यातायातको विकासको पाँच वर्षे महìवाकाङ्क्षी रणनीतिक योजना’ अन्तर्गत मर्मतको काम थालिएको हो ।
रणनीतिक योजना अन्तर्गत मुलुकको मुख्य सडकको मर्मत कार्य अगाडि बढाइएको सडक विभागका उपमहानिर्देशक भीमार्जुन अधिकारीले जानकारी दिनुभयो । उहाँले मर्मत कार्यक्रम अन्तर्गत बढी ट्राफिक चाप हुने प्रमुख राजमार्ग ९कोर रोड नेटवर्क० का सडकमा मर्मत गरिनेछ । यस कार्यक्रमका लागि नीतिगत रूपमा सरकारबाट स्वीकृति प्राप्त भइसकेको छ भन्नुभयो । यस कार्यक्रमका लागि सडकको समेत छनोट भइसकेको र त्यसमा मुलुकका सबै प्रमुख राजमार्ग परेको उहाँले जानकारी दिनुभयो । कम्तीमा दैनिक दुई हजार व्यक्ति आवतजावत गर्ने सडकलाई ‘कोर रोड नेटवर्क’ भन्ने गरिन्छ ।
उहाँले विश्व बैङ्कको ऋण सहयोगमा रणनीतिक सडक कनेक्टिभिटी र व्यापार सुधार परियोजना ९स्टार्टिजिक रुट कनेक्टिभिटी एन्ड ट्रेड इम्प्रुभमेन्ट प्रोजेक्ट, एसआरसीटीआईपी० कार्यक्रम अन्तर्गत तीन हजार तीन सय किलोमिटर सडकको आवधिक मर्मत कार्य सुरु गर्न लागिएको हो भन्नुभयो । यस कार्यक्रम अन्तर्गत पूर्व–पश्चिम राजमार्ग, अरनिको राजमार्ग, बीपी राजमार्ग, सिद्धार्थ राजमार्ग, पृथ्वी राजमार्ग, मेची राजमार्ग, कोसी राजमार्ग लगायत मुलुकका प्रमुख सबै राजमार्गको मर्मत गरिने उपमहानिर्देशक अधिकारीले जानकारी दिनुभयो । ‘एसआरसीटीआईपी’ कार्यक्रम अन्तर्गत नै पूर्व–पश्चिम राजमार्ग अन्तर्गतको पथलैया–ढल्केवर–कमला सडकखण्ड र मुग्लिन–नागढुङ्गा खण्डको विस्तार कार्य अगाडि बढाइएको उपमहानिर्देशक अधिकारीले बताउनुभयो ।
उहाँका अनुसार कुल आठ अर्ब रुपियाँको लागतमा सञ्चालन हुन लागेको यस आयोजनामा ७० प्रतिशत विश्व बैङ्कको सहयोग र बाँकी नेपाल सरकारको लगानी रहनेछ । यस कार्यक्रमका लागि अर्थ मन्त्रालय र विश्व बैङ्कबीच सम्झौतासमेत भइसकेको छ । यस कार्यक्रमको समयावधि आर्थिक वर्ष २०७७र७८ देखि पाँच वर्षसम्म रहेको छ ।
चालू आर्थिक वर्षमा तीन सय किलोमिटर सडकको मर्मत गरिने गरी तयारी पूरा भइसकेको बताउँदै उहाँले त्यसका लागि निर्माण कम्पनी छनोट गर्न बोलपत्रको तयारी पूरा भइसकेको जानकारी दिनुभयो । विश्व बैङ्कको सहयोगमा सञ्चालन हुने कार्यक्रम रहेकाले बोलपत्र आह्वान गर्न विश्व बैङ्कसँग छलफल भइरहेको उहाँले बताउनुभयो ।
यो वर्ष कार्यक्रमको तयारी वर्ष भएकाले कम मात्रामा मर्मत कार्य अगाडि बढाइएको उहाँले स्पष्ट पार्नुभयो । सङ्घीय सडक विभाग अन्तर्गत १४ हजार ९९० किलोमिटर रणनीतिक सडक रहेका छन् ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: निरौला प्रशान्त

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.