पथरीशनिश्चरे, (मोरङ) भदौ ७ गते । मोरङको पथरी शनिश्चरेमा समुदायस्तरमा समेत कोरोना भाइरस फैलिएपछि अस्पताल र औषधि पसल बाहेक बजार पूर्ण रुपमा बन्द गरिएको छ । साउन ६ गते बाट वन्द गरिएको बजारको आज नगरले अनुगमन् गरेको छ ।
आफ्नो स्वास्थ्यमा अत्यन्तै सावधानी अपनाउन अनुरोध गर्दै कोरोना भाइरस जोखिम न्यूनीकरण नगरस्तरीय समन्वय समितिले शनिबार बिहान १० बजेबाट अस्पताल र औषधि पसल बाहेक सम्र्पूणखाले पसल, ब्यवसाय, कार्यालय, वित्तिय संस्था, यातायात सञ्चालन सहित हिडडुलमा पूर्णरुपमा रोक लगाएको थियो ।
नगर उपप्रमुख, समन्वय समिति सदस्य एवम् नगर अनुगमन् समिति संयोजक यमुना विष्ट वास्तोला, अनुगमन् सदस्यहरु यामप्रसाद गुरागाईं, निर्मला गदाल सहित नगर प्रहरीको टोलीले पूर्णरुपमा लकडाउन सहित नगर शिल गरिएको अवस्थाका बारेमा विभिन्न वडामा अनुगमन् गरेको छ । टोलीले वडा नम्वर १ को पथरी बजार, २ को बुद्धचोक, ४ र ९ को शनिश्चरे, ४ को कुशलबजार, ६ को भातेगौंडा, केचना, ७ को कीर्तिपुर, ८ को मिलनचोक, सोमबारे, ९ को रिंगुवा, पुलचोक र १० को नयाँमंगलबारे सहितका क्षेत्रमा अनुगमन् गरेको हो ।
ती क्षेत्रमा फाटफुट रुपमा खुलेका पसल, होटल बन्द गराइएको छ । सडकमा हिँडडुल गर्नेहरुलाई घरमै सुरक्षित बस्न र मास्कको अनिवार्य प्रयोग गर्दै सामाजिक दूरी कायम गरेर स्वास्थ्य सतर्कता अपनाउन अनुरोध गरिएको छ । इलाका प्रहरी कार्यालय र शसस्त्र प्रहरीले समेत विभिन्न ठाउँमा लकडाउनको अनुगमन् गरिरहेको छ । वडाका जनप्रतिनिधिहरुबाट समेत अनुगमन् गरिएको छ ।
सुनसरीको दुहवीस्थित प्रिमियर फ्याक्ट्रीमा काम गर्न गएका नगरका १ जना २३ वर्षीय पुरुषमा कोरोना पोजेटिभ देखिएपछि समुदायस्तरमा कोरोना भाइरस फैलिएको बुझेर पूर्णरुपमा लकडाउनको अवस्था आइपरेको हो ।
भदौ २ गते पथरी शनिश्चरे १ को आफ्नो घरबाट काम गर्न सो फ्याक्ट्री गएका उनलाई फ्याक्ट्रीले सोही दिन पीसीआरको स्वाब संकलन गराएको थियो । सो को रिपोर्ट ५ गते पोजेटिभ आएको थियो । जस अनुरुप उनलाई समुदायस्तरमै कोरोना भएको बुझेर उनको सम्पर्कमा आएकाहरु तथा त्यसअघि क्वारेन्टिनमा रहेका वडा नम्वर २ र ४ का संक्रमित २ पुरुषको समेत सम्र्पकमा आएकाहरुको ‘कन्ट्रयाक ट्रेसिङ’ का आधारमा स्वाब संकलन गरिएको छ । ८० जनाको स्वाब संकलन गरी हिजो वीपी कोइराला स्वास्थ्य विज्ञान प्रतिष्ठान धरान पठाइएको नगरका जनस्वास्थ्य निरीक्षक मुरारी आचार्यले बताउनु भयो । उनीहरुको रिपोर्ट आउन बाँकी रहेको छ । उनीहरुको रिपोर्टका आधारमा लकडाउनको स्वरुप कस्तो बनाउने भन्ने निर्णय गरिने नगर प्रवक्ता यामप्रसाद गुरागाईंले जनाउनु भयो ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.