विराटनगर, १७ असार । प्रदेश नं. १ संसदीय दलमा नेपाली काङ्ग्रेसका सचेतक एवं युवा नेता सुयर्माराज राईले संसद भवनमा सांसदहरूको मस्तिष्कलाई मापन गर्ने यन्त्र आवश्यक भएको बताउनु भएको छ ।
सत्तारुढ दलका प्रमुख सचेतक बुद्धि राजभण्डारीको भनाईको जवाफ फर्काउँदै राईले आँखा मात्र होइन,मष्तिष्क पनि जाँच गर्ने यन्त्र आवश्यक भएको बताउनु भएको हो । गत असार १२ गते सांसद राईले सरकारको रातो कितावलाई कालो कितावको संज्ञा दिँदै सरकारले केही पनि जनप्रिय काम गर्न नसकेको बताउनु भएको थियो । सरकारको बचाउ गर्दै सत्तारुढ दलका सचेतक राजभण्डारीले
रातो कितावलाई कालो देख्ने सांसदको आँखा जाँचका लागि मेसिन आवश्यक भएको बताउनु भएको थियो ।
बुधबार बसेको प्रदेशसभा बैठकको शून्य समयमा बोल्दै राईले नियमावली अनुसार शून्य समयमा के बोल्ने ? सैद्धान्तिक विषयमा के बोल्ने र विषेश समयमा के बोल्ने भन्ने नै जानकारी नभएका सांसदको मस्तिकलाई ठीक ठाउँमा राख्ने यन्त्र आवश्यक भएको बताउनु भयो । उहाँले भन्नुभयो –‘मेसिन अब कालो कर्तुत पता लगाउने पनि चाहियो ।’ राईले नियमावली अनुसार कसले के बोल्नुपर्छ, मस्तिष्कलाई ठीक ठाउँमा राख्ने मेसिन सदनमा राख्न माग गर्दै जथाभावी नबोल्न आग्रह गर्नुभयो ।
प्रदेश सरकार चुरे क्षेत्रको संरक्षण गर्न भन्दा दोहन गर्न लागि परेको बताउँदै उहाँले सरकार घुमाउरो पारामा आफै क्रसर उद्योग सञ्चालन गर्ने दाउमा रहेको आरोप लगाउनु भयो । आफूले हरेक वर्ष चुरे संरक्षणमा जोड दिएको बताउँदै उहाँले चुरे संरक्षणका सवालमा सरकार कानमा तेल हालेर बसेको उल्लेख गर्नुभयो । राईले भन्नुभयो– क्रसर उद्योगमा सरकारका मन्त्री र सांसदहरुको लगानी रहेकोले जानकारी पाएको छु । सभामुखसाग उहाँले यस विषयमा सत्यतथ्य बाहिर ल्याउन माग गर्नुभयो ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.