काठमाडौँ, ५ माघ ९रासस० ः नेपाल प्रेस युनियनको केन्द्रीय महाधिवेशनका लागि ५४ जिल्लाको अधिवेशन सम्पन्न भएको छ ।

मङ्सिर अन्तिम साता केन्द्रीय महाधिवेशन सम्पन्न गर्ने मिति तोके पनि निर्धारित समयमा महाधिवेशन हुन सकेको छैन । जिल्ला र प्रतिष्ठान गरी कुल ८४ शाखा रहेको युनियनमा जम्मा ५४ जिल्लाको अधिवेशन सम्पन्न भएको हो । तीमध्ये बारा र दैलेखमा उद्घाटनमात्र भएको र नेतृत्व चाँडै नै चयन हुनेछ ।

कुल ७३ जिल्लामा शाखा रहेको युनियनको कैलालीको लम्की र काठमाडौँको साँखुमा दुईवटा उपशाखा रहेको छ भने डोल्पा, मुस्ताङमा अहिलेसम्म पनि शाखा स्थापना भएको छैन ।

प्रदेश नं १ को सङ्खुवासभा, सोलुखुम्बु, ओखलढुङ्गा र खोटाङ, प्रदेश नं २ को महोत्तरी, प्रदेश नं ३ को सिन्धुली, काभ्रेपलाञ्चोक, सिन्धुपाल्चोक, नुवाकोट, ललितपुर, काठमाडौँ र रसुवा, प्रदेश नं ४ को लमजुङ, तनहुँ र मनाङ, प्रदेश नं ५ मा बाँके, प्रदेश नं ६ हुम्ला र सुर्खेत तथा प्रदेश नं ७ मा अछाम र कञ्चनपुरको जिल्ला अधिवेशन हुन बाँकी रहेको छ ।

युनियनका महासचिव अजयबाबु शिवाकोटीले माघ मसान्तभित्र सबै जिल्लाको अधिवेशन सम्पन्न गरिसक्ने जानकारी दिनुभयो । प्रेस युनियन संविधानको मर्म र भावनाअनुसार पहिलोपटक प्रदेश अधिवेशन गर्न गइरहेकाले केन्द्रीय समितिको बैठक बसेर प्रदेश र केन्द्रको अधिवेशन सम्पन्न गर्ने महासचिव शिवाकोटीले बताउनुभयो ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: निरौला प्रशान्त

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.