ईनेपालपत्र संबाददाता , ५ पटक हेरिएको
लागूऔषध नियन्त्रण ब्यूरोको टोलीले सोमबार राति गोली चलाएर दुई जना भारतीय नागरिकलाई पक्राउ गरेको हो । गोली लागेर भारतको बिहार घर भएका अनिल कुमार पासवान घाइते भएको प्रहरीले बताएको छ। घुँडामुनि गोली लागेका उनको ट्रमा सेन्टरमा उपचार भइरहेको हो । लागूऔषध खैरो हेरोइन कारोबार भइरहेको सूचनाको आधारमा ब्यूरोका एसपी रेग्मी सहितको टोली उक्त क्षेत्रमा पुगेको थियो ।
प्रहरीसँग जम्काभेट हुँदा कारोबारीहरू भागेपछि गोली प्रहार गरेर नियन्त्रणमा लिइएको प्रहरीले जनाएको छ । उनीहरुको साथबाट प्रहरीले १ किलोग्राम खैरो हेरोइन बरामद गरेको हो ।
प्रकाशित मिति: २०२६-०४-०७ , समय : १०:२७:०८ , २ घन्टा अगाडि