ईनेपालपत्र समाचारदाता , २४४ पटक हेरिएको
बिराटनगर, १३ साउन । नेपाल प्रेस यूनियन मोरङको नेतृत्व परिबर्तन भएको छ । शुक्रबार भएको निर्वाचनले बेदराज पौडेलको नेतृत्वमा समिति चयन गरेको छ ।
बिराटनगरमा सम्पन्न निर्वाचनबाट संस्थापन इतर समूहका पौडेलले झिनो मतको अन्तरले संस्थापन समूहका सुशिला पाठकलाई पराजित गरेका हुन । पौडेलले ६७ र पाठकले ६१ मत प्राप्त गरेका हुन् । खुल्ला उपाध्यक्ष तर्फ पौडेल समूहका प्रशान्त निरौला निर्वाचित भए । निरौलाले ६७ मत प्राप्त गरी विजयी भए भने संस्थापन समूहका जितेन्द्र नारायण ठाकुर ५० मत प्राप्त गरी पराजित भए ।
समावेशी उपाध्यक्ष तर्फ संस्थापन समूहका दिलिप अग्रवाललाई पराजित गरेर पौडेल समूहका सोनुकुमार दास निर्वाचित भए । दासले ७५ र अग्रवालले ५३ मत प्राप्त गरेका थिए । सचिवमा पौडेल समूहबाट गोपाल पोखरेल निर्वाचित भए । ८४ मत ल्याएर पोखरेल निर्वाचित हुँदा ४३ मत ल्याएर संस्थापन समूहका धिरज दाहाल पराजित भए । कार्यसमितिको अधिकांश पदमा पौडेल समूहले सानदार जित निकालेका छन् ।
नयाँ नेतृत्वले सबैलाई समेटेर प्रेस युनियनलाई एकढिक्का बनाउने समेत बताएको छ ।
प्रकाशित मिति: २०२३-०७-२९ , समय : १९:४६:४१ , १ वर्ष अगाडि