४ गते देखि लेटाङमा मतदाता नामावली संकलन हुदै

लेटाङ, १९ मंसिर । लेटाङ नगरपालिकामा यहि ४ गते देखि फोटो सहितको मतदाता नामावली संकलन सुरु हुने भएको छ । आज नगरप्रमुख शंकर राईको अध्यक्षतामा बसेको राजनीतिक दल सहितको बैठकले वडागत रुपमा १२ दिन सम्म नामावली संकलन कार्य गरिने नगरप्रमुख शंकर राईले जानकारी दिनुभयो ।

आधारभुत स्वास्थ्य केन्द्र लेटाङ ४ को भवनमा फोटो सहितको नामावली संकलन गरिनेभएको हो । ४ गते लेटाङ नगरपालिका वडा नं. २ को नामावली संकलन हुनेछ भने ५ गते ३ नम्बरको ६ गते ४ नं. को ७ गते ५ नंम्बरको ८ गते ६ नं. को ९ गते १ नं. वडाको , १० गते ७ नं. वडाको ११ गते ८ नं. वडाको र १२ गते ९ नं. वडाको मतदाता नामावली संकलन गरिने जनाईएको छ ।

१३ गते छुट भएका १ देखि वडा नं. ५ का सबै १५ र १६ गते ६ देखि ९ नं. वडाका छुट भएका र १७ र १८ गते नगरपालिका भरीका छुट भएकाहरुको नामावली संकलन गर्ने मिति तय भएको नगर प्रमुख राईले जानकारी दिनुभयो ।

१६ बर्ष उमेर पुगेका नेपाली नागरिकहरुले फोटो सहितको नामावली संकलन कार्यमा सहभागि हुन पाउनेछन भने उनिहरु संग अनिवार्य नागरिकता हुन जरुरी हुनेछ ।

प्रकाशित मिति: २०२१-१२-०५ , समय : १६:४४:५५ , २ वर्ष अगाडि