Enepal Patra Pvt. Ltd. , २२७ पटक हेरिएको
काठमाडौं , १५ कात्तिक। प्रदेश १ का मुख्यमन्त्री भीम आचार्यले राजीनामा दिने भएका छन् ।
प्रदेश सभा बैठकमा आज उनको विश्वासको मतको प्रस्तावमा मतदान गर्ने कार्यतालिका थियो । तर बहुमत नपुग्ने भएपछि उनले त्यस अगाडि नै राजीनामा दिन लागेका हुन् ।
गत भदौ १० गते मुख्यमन्त्री नियुक्त भएका आचार्यले आज आफूले राजीनामा दिने अनलाइनखबरसँग पुष्टि गरे ।
९२ जना प्रदेशसभा सदस्य रहेको प्रदेश १ मा विश्वासको मत पाउनका लागि ४७ जनाको समर्थन आवश्यक पर्छ । तर प्रतिपक्षी गठबन्धनमा ५० जना सांसद छन् । सत्तापक्षमा सभामुखसहित ४१ जना मात्रै छन् ।
कांग्रेस, माओवादी केन्द्रसहितको गठबन्धनले एकीकृत समाजवादीका राजेन्द्र राईलाई मुख्यमन्त्रीको रुपमा अघि सार्ने निर्णय आइतबार नै गरिसकेको छ ।
एकीकृत समाजवादीका राजेन्द्र पाण्डे यही कात्तिक ११ गते बागमती प्रदेशको मुख्यमन्त्री बनेका थिए ।
अनलाईन खबरबाट
प्रकाशित मिति: २०२१-११-०१ , समय : १२:१५:४७ , २ वर्ष अगाडि