विराटनगर  २७ अशाेज २०७६ । मोरङ कांग्रेसको आयोजनामा कोजाग्रत पूर्णिमाका दिन आइतबार शुभकामना आदान प्रदान तथा चियापान कार्यक्रम आयोजना गरिएको छ ।

नेपाली कांग्रेसका केन्द्रीय सदस्य अमृत अर्यालको प्रमुख आतिथ्यमा भएको कार्यक्रमका सहभागीले कांग्रेस तत्कालीन संस्थापक नेता विश्वेश्वरप्रसाद कोइरालाले शुरु गरेको चियापानले विशेष महत्व राखेको चर्चा गरे ।

नेता अर्यालले देशलाई प्रजातान्त्रिक आन्दोलनमार्फत जनअधिकार स्थापित गराउने नेता तथा जननायकका रुपमा चिनिएका वीपीले बसालेको संस्कारले अहिलेसम्म निरन्तरता पाएको सुनाए । भने,‘‘देशले आन्दोलनका विभिन्न आरोह अवरोध पार गरेपनि कांग्रेसले बसालेको यो संस्कारले निरन्तरता पाएको छ ।’’ नेता अर्यालले चाडबाडको सन्दर्भ पारेर गरिने यस्ता कार्यक्रमले आपसीभाइचारा तथा सहअस्तित्व कायम गराउन मद्धत पुग्ने चर्चा गरे ।

कांग्रेस केन्द्रीय सदस्य गुरुराज घिमिरेले कांग्रेस नयाँ शिराबाट उठ्नै लागेको अवस्थामा चियापानले विशेष महत्व राखेको बताउँदै भने,‘‘केन्द्रमा मात्र मनाउने गरिएको यस्तो कार्यक्रम जिल्लामा समेत हुन थालेको छ । यसले एक आपसमा शुभकामना दिन सम्बन्धलाई अझ सुधार गर्न सहयोग पुग्ने छ ।’’ प्रदेश १ का आन्तरिक मामिला तथा कानुन मन्त्री हिक्मत कुमार कार्कीले कांग्रेस र नेकपा संविधान निर्माणमा संगसंगै हिंडेको तर अहिले आवधिक निर्वाचनबाट मात्र एउटा सरकारमा र अर्को प्रतिपक्षमा रहेको बताए । भने,‘‘तर, गणतान्त्रिक संविधान कार्यान्वयन गराउने जिम्मेवारी दुबैको काँधमा छ ।’’

प्रदेश १ का कांग्रेस प्रमुख सचेतक केदार कार्कीले कांग्रेसले लोकतान्त्रिक आन्दोलनको सदैव अगुवाई गरेको र देशलाई विकासतर्फ लग्ने अभिभारा पनि अब उसैले लिनुपर्ने बताए । विराटनगर महानगरपालिकाका मेयर भीम पराजुलीले नेपालीहरुमाझ सबै पर्वको उत्तिकै महत्व रहेको चर्चा गरे । उनले आपसी भातृत्वका लागि पनि कांग्रेसको चियापान जिल्ला तहमा हुनु महत्वपूर्ण भएको बताए । कांग्रेस सभापति डिगबहादुर लिम्बूको सभापतित्वमा भएको कार्यक्रमका अन्य वक्ताले चाडपर्वको अवसरमा सबैले मनको तुष फालेर अघि बढ्नु पर्ने बताएका थिए । कांग्रेस जिल्ला पार्टी कार्यालय परिसरमा भएको कार्यक्रममा कांग्रेस कार्यकर्ता, शुभचिन्तक तथा सर्वसाधारणको उत्साहजनक सहभागिता देखिन्थ्यो ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.