Enepal Patra Pvt. Ltd. , ५९८ पटक हेरिएको
काठमाडौं। नेपाली कांग्रेसले मंसिर २९ गते सरकाविरुद्ध गर्न लागेको विरोध प्रदर्शनलाई व्यवस्थित गर्नेबारे छलफल गर्न पदाधिकारी बैठक बोलाएको छ। कांग्रेसले सरकारविरुद्ध हुन गइरहेको देशव्यापी विरोध प्रदर्शनको रूपरेखा तय गर्न बिहीबार बिहानका लागि पदाधिकारी बैठक बोलाएको हो।
बिहीबार बिहान नौ बजे बस्ने पदाधिकारी बैठकमा सरकाविरुद्ध हुन गइरहेको देशव्यापी आन्दोलनको कार्यक्रम र आन्तरिक विषयवस्तुका बारेमा छलफल हुने बताइएकाे छ।
मंसिर १९ गते बसेको पदाधिकारी बैठकले सरकारविरुद्ध ७७ वटै जिल्लाहरूमा मंसिर २९ गते विरोध प्रदर्शनको निर्णय गरेको थियो।
तनहुँमा मंसिर १७ गते सरकारले प्रस्तुत गरेको दमनकारी व्यवहारलगायत देशका विभिन्न भागमा पटक–पटक सरकारबाट गरिएका विभेद, पक्षपात र सर्वसत्तावादी प्रवृत्ति तथा कोभिड–१९ को नियन्त्रण र उपचारमा सरकारले देखाएको उदासीनता र अकर्मण्यता तथा स्वास्थ्य सामग्री खरिदमा गरिएको भ्रष्टाचारदेखि अनेकौं भ्रष्टाचार काण्ड र बेथितिविरुद्ध विरोध प्रदर्शन गरिन लागेको कांग्रेसको भनाइ छ।
प्रकाशित मिति: २०२०-१२-१० , समय : ११:२३:१८ , ३ वर्ष अगाडि