काठमाडौ,पुस २८ गते । केटिएम डुक २५० सिसीको बाइकको मूल्य बजारमा यतीबेला पाँच लाख ८९ हजार पर्छ । सोही बाइक बिलबुक सहित तीन लाख रुपैयामा पाउनुहुन्छ भने त्यो खरिद गर्नुहुन्छ की हुँदैन । त्यस्तै फन्दामा परे काभ्रे बनेपाका कुन्दन ढुंगाना । चीनजानको साथीले ६ लाख मूल्य पर्ने केटिएम डुक बाइक तीन लाखमै पाउने भनेपछि उनले आँखा चिम्लिएर तीन लाख तिरेर बाइक किने । उनले तीन लाखमा पाएको बाइकको नम्बर थियो बा ९८ प ५८७ । ढुंगानाले पुसको अन्तिम साता बाइक पास गर्ने योजना बनाएका थिए । सस्तो दाममा बाइक पाएपछि उनले तीन लाख रुपियाँ बाइक किनाउने कुन्साङ लामालाई तीन लाख बुझाए ।

प्रहरीले बनेपामा सस्तो मूल्यमा मंहगो मोटरसाइकल किनबेच भएको सूचना पाइसकेको थियो । कुन्दनले डुक बाइक तीन लाखमा पाएको सूचनालाई पछ्याउँदै इलाका प्रहरी कार्यालय बनेपाका प्रहरी निरीक्षक योगेन्द्र तिमल्सिना ग्राहक बनेर बनेपाको सस्तो बाइक पाउने ठाउँमा पुगे । उनले केही बाइक हेरे र अन्त्यमा कुन्दनलाई नियन्त्रणमा लिए भने उनको ब्लूबुक जफत गरे । प्रहरीले काभ्रेमा तीन लाखमै नयाँ केटिएम डुक बाइकको किनबेच भैरहेको सुनेपछि सुरुमा पत्ताएन । यती महङ्गो मोटरसाइकल कसरी त्यती सस्तो मूल्यमा पाइएला भनेर उसले अनुसन्धान अघि बढायो । प्रहरीले नियन्त्रणमा लिएको ब्लूकबुकको सहायतले प्रहरीले मोटरसाइकल चोरको भन्ने पत्ता लगायो । तीन लाखमा मोटरसाइकल किन्ने काभ्रेपलाञ्चोक बनेपाका कुन्दन ढुंङ्गानालाई प्रहरीले नियन्त्रणमा लियो । नियन्त्रणमा लिएका कुन्दनसँग दुरुस्त मिल्ने बिलबुक पनि थियो । कुन्दनले आफूले यातायात व्यवस्था विभागमा गएर सो बाइक केही दिनमा पास गर्ने आश्वासन पाएको सुनाएपछि प्रहरीले मोटरसाइकल किन्ने कुन्दन र किनाउने काभ्रे तेमालका कुन्साङ लामालाई नियन्त्रणमा लिएर अनुसन्धानलाई अघि बढायो ।

तीन लाखमा किनेको बाइकको बिलबुक यातायात व्यवस्था विभागमा भिडाउँदा नक्कली प्रमाणित भयो । त्यसपछि खुल्लो आधा मूल्यमा बाइक पाउनुको रहस्य । केही महिनाअघि काठमाडौंको लक्ष्मी श्रेष्ठले खरिद गर्नुभएको मोटरसाईकल हराएपछि उहाँले एभरेष्ट इन्सोरेन्सबाट बीमा रकम पाइसक्नु भएको खुल्यो । त्यो बाइकको वास्तविक नम्बर भने प्रदेश ३–०२–००६ प ९१३७ रहेछ । काठमाडौंबाट बाइक हराएपछि उहाँहरुले आवश्यक प्रकृया पुरा गरेर बीमा रकम समेत भुक्तानी पाउनु भएको रहेछ ।

केटिएम डुक मोटरसाइकल खरिदमा मध्यस्तताको भुमिका खेलाउने काभ्रेका कुन्साङलाई प्रहरीले सोधपुछ गर्दा सो बाइक काभ्रे तेमाल–९ का धावा तामाङ र धनबहादुर तामाङले चोरी गरेका रहेछन् । कुन्साङलाई प्रहरीले नियन्त्रणमा लिएर सार्वजनिक अपराधमा मुद्धा चलाएको छ भने धावा तामाङ र धनबहादुर तामाङ केन्द्रीय कारागार डिल्लीबजारमा मोटरसाइकल चोरीकै अपराधमा सजाय भोगिरहेका छन् । काभ्रेमा एक सयको हाराहारीमा नक्कली ब्लू बुक बनाएर चोरीको बाइक दौडिने गरेको अनुमान स्थानीयको छ । (गोरखापत्र अनलाइन)

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: निरौला प्रशान्त

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.