ईनेपालपत्र संबाददाता , ६ पटक हेरिएको
धनगढी, २८ असोज । पूर्वमन्त्रीसमेत रहेका एमाले सांसद वीरबहादुर थापाले पदबाट राजीनामा दिएका छन्। सुदूरपश्चिम प्रदेश सांसद थापाले सभामुखसमक्ष राजीनामा बुझाएका हुन्।
बजेटप्रति असन्तुष्टि जनाउँदै थापाले राजीनामा दिएको स्रोतले जनाएको छ। उनको राजीनामा स्वीकृत नगर्न केन्द्रका नेताहरूले दबाब दिइरहेको बताइएको छ।
मंगलबार प्रदेशसभाबाट बजेट पारित हुनुअघि भएको छलफलमा थापाले बोल्न चाहेका थिए। त्यसका लागि उनले एमाले संसदीय दलका नेता राजेन्द्र रावलसँग समय मागेका थिए। तर, रावलले उनलाई बोल्न समय उपलब्ध गराउन तयार नभएको बताइएको छ।
सुदूरपश्चिम प्रदेशसभाबाट मंगलबार चालू आर्थिक वर्ष २०८३/८४ को बजेट पारित भइसकेको छ। सत्ता गठबन्धनमा आगामी कात्तिक १५ गते पूरक बजेट ल्याउने सहमति भएको छ ।
प्रकाशित मिति: २०२६-१०-१४ , समय : ११:०४:२१ , २ घन्टा अगाडि