गौरादहमा फुटसलको उद्घाटन
गौरादह(झापा), २४ पुस । गौरादह नगरपालिकाका प्रमुख रोहितकुमार साहले शनिबार गौरादह फुटसलको उद्घाटन गर्नु भएको छ । गौरादह–२ मा दुईजना युवा ब्यवसायीले सञ्चालनमा ल्याएको फुटसल एकसाता अघि सञ्चालनमा आएपनि शनिबार औपचारिक उद्घाटन भएको हो ।
फुटसलको उद्घाटन गर्दै नगर प्रमुख साहले सङ्गीत र मनोरञ्जन जस्तै खेलकुद पनि मानिसका लागि अनिवार्य आवश्यक भएको बताउनु भयो । उहाँले भन्नुभयो– फुटसल अन्य सहरका लागि पुरानो भए पनि गौरादहका लागि नयाँ र स्थानीय आवश्यकता थियो । सहरीकरणले गर्दा खेल अभ्यास गर्ने स्थानको अभाव हुँदै गएको बेला युवा ब्यवसायी अर्जुन खड्का र सन्तोष बिष्टले गौरादह नगरबासीले खोजेको फुटसल स्थापना गरेर नगरको विकासमा सहयोग गरेको नगर प्रमुख साहको भनाई थियो । खेलको माध्यमबाट शारिरिक अभ्यास हुनेमा जोड दिँदै साहले फुटसल खेलबाट स्थानीय ब्यापारी, ब्यावसायीहरूले लाभान्वित हुन सक्ने उल्लेख गर्नुभयो । एउटा नगरलाई समृद्ध बनाउन सबै क्षेत्रको विकास हुनु आवश्यक भएको बताउँदै उहाँले फुटसलको स्थापना समृद्ध नगरको पूर्वाधार भएको उल्लेख गर्नुभयो ।
अर्का वक्ता नेपाली कांग्रेस झापा ५ (१) का सभापति जीवन राईले गौरादहको खेलकुद बिकासमा फुटसल स्थापनाले नयाँ आयाम थपेको बताउनु भयो ।गौरादह फुटसलका सञ्चालक अर्जुन खड्काको सभापतित्वमा भएको उद्घाटन समारोहमा अर्का सञ्चालक सन्तोष बिष्टले स्वागत गर्नु भएको थियो । झण्डै ७० लाख रुपैयाँ लगानीमा निर्माण गरिएको फुटसलमा सहभागि हुन प्रतिब्यक्ति न्युनतम ६५ रुपैयाँ र अधिकतम १ सय रुपैयाँ लाग्ने सञ्चालक खड्काले जानकारी गराउनु भयो । खड्काका अनुसार बिहान र बेलुकाको समयमा भन्दा दिवा समयमा फुटसल खेल्न सस्तो पर्नेगर्छ । फाइभ साइड क्षमता को फुटसलमा सामान्यतया एउटा प्रतियोगिता १ घण्टा खेलिने गर्छ ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

संवाददाता : अनन्तराम बराल

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2022 Enepal Patra Pvt. Ltd.