हरिप्रसाद कोइराला
रतुवामाई(मोरङ), ३० साउन । आर्थिक वर्ष २०७७/०७८मा भारतसँग सीमाना जोडिएका मोरङका तीन स्थानमा वोर्डर अब्जरवेसन पोष्ट(बीओपी)राखिएको छ । तीन वटा पोष्ट थपिएसँगै मोरङमा बीओपीको सङ्ख्या ११ पुगेको छ ।
मोरङ–२ का संघीय सांसद डा.मीनेन्द्र रिजालले सांसद विकास कोषबाट बजेट उपलब्ध गराउनु भएपछि बीओपी स्थापना भएका हुन् । रतुवामाई –३ को मिर्चाडाँगी र सुनवर्सी –ं.८ को सिक्टीमा सांसद विकास कोषको खर्चबाट बीओपी स्थापना भएका हुन् । रङ्गेली –ं.५ को धनापटीमा निर्माण भएको बीओपी रङ्गेली नगरपालिकाको खर्चमा बनेको हो । रतुवामाईको मिर्चाडाँगीमा निर्माण भएको बीओपी निर्माणका लागि सांसद विकास कोषले १० लाख रुपियाँ विनियोजन गरेको थियो । यस्तै सुनवर्सी नगरपालिकाको सिक्टीमा निर्माण भएको पोष्ट निर्माण गर्न सांसद विकास कोषबाट १० लाख र नगरपालिकाले ५ लाख रुपियाँ उपलब्ध गराएको हो । रङ्गेलीको धनापटीमा निर्माण भएको वीओपी निर्माण गर्न रङ्गेली नगरपालिकाले १६ लाख रुपियाँ उपलब्ध गराएको हो ।
सशस्त्र प्रहरी बल नेपाल ३ नं. गण कंकालिनी मोरङले दिएको जानकारी अनुसार सरकारले नेपाल–भारत सीमा क्षेत्रमा ५ सय वटा बोर्डर अब्जरवेसन पोष्ट बनाउने योजना बनाएको छ । सोही योजना अन्तरगत सांसद विकास कोष र नगरपालिकाको सहयोगमा शसस्त्र प्रहरी बलले मोरङमा तीन वटा पोष्ट थपेको हो । राज्यले सीमा क्षेत्रको प्रत्येक साडे ३ किलोमिटरमा एउटा बीओपी राख्ने नीति तय गरेको ३ नं. गण कंकालिनीले जनाएको छ । सीमा सुरक्षालाई अझ प्रभावकारी बनाउने उदेश्यले बीओपीको स्थापना गरिएको बताइएको छ । बोर्डर अब्जरबेसन पोष्ट निर्माणका लागि जहाँ जग्गाको अभाव थियो , त्यस क्षेत्रमा पनि दाताले जग्गा उपलब्ध गराउनु भएपछि पोष्ट निर्माणमा सहयोग पुगेको छ । सांसद विकास कोष र नगरपालिकाले सहयोग उपलब्ध गराएको भन्दा ३ गुण बढी काम भएको ३ नं. गण कंकालिनीले जनाएको छ । आन्तरिक स्रोत र आफ्नै जनशक्ति परिचालन गरेर प्रत्येक बीओपी निर्माणमा ५० लाख बढीको काम भएको ३ नं.गणले बताएको छ ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: पर्शुराम निराैला (प्रशान्त)

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

संवाददाता :  नवराज तुम्बापाे

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.