कानेपोखरी(मोरङ),७ फागुन  । देश विदेशमा भएका शुभेच्छुकहरूको आर्थिक सहयोगमा भएको मितेरी च्यालेन्ज कप फुटबल प्रतियोगिता २०७७ सञ्चालनमा ४ लाख ९ हजार १८० रुपियाँ बचत भएको छ ।
आयोजक मितेरी युवा क्लबले पत्रकार सम्मेलन गर्दै सञ्चालन बचत ४ लाख बढी भएको जनाएको हो । क्लबले सार्वजनिक गरेको हिसाव विवरण अनुसार १२ लाख ३६ हजार ९२१ रुपियाँ आय भएको छ । ८ लाख २७ हजार ७४१ रुपियाँ खर्च भएको छ । गाउँबाट बैदेशिक रोजगारमा गएका र स्थानीयबाट ९ लाख ७६ हजार ९२१ रुपियाँ आर्थिक सङ्कलन भएको छ । यस्तै मुख्य प्रायोजक टेन्सवर्ग वियरबाट १ लाख १० हजार ,कानेपोखरी गाउँपालिकाबाट १ लाख , कानेपोखरी–७ नं. वडा कार्यालयबाट ५० हजार रुपियाँ प्राप्त भएको छ ।
खर्च तर्फ विभिन्न२१ शीर्षकमा ८ लाख २७ हजार ७४१ रुपियाँ खर्च भएको पत्रकार सम्मेलनमा जनाइएको छ । क्लबका सचिव अनील परियारले सकेसम्म कम खर्चमा प्रतियोगिताको आयोजना गर्ने उदेश्य थियाे ।त्याे पुरा भएको छ ,उहाँले भन्नुभयो ।अध्यक्ष अमृत चेम्जोङले बचेको रकमबाट क्लबलाई संस्थागत गर्ने र प्रतियोगितालाई निरन्तरता दिने बताउनु भयो । माघ २४ गते देखि फागुन १ गते सम्म भएको प्रतियोगितामा प्रदेश नं. १ का ८ टीमको सहभागिता रहेको थियो । प्रतियोगिताकाे प्रथम पुरस्कार ५१ हजार रुपियाँ स्थानीय देवनन्द गुरुङ र सुजन गुरुङले आफ्ना स्वर्गीय बुबा आमाको स्मृतिमा सौजन्य गर्नु भएको थियो । साेही बलबाट क्लबले फुटबल खेल आयोजना गर्ने कार्यक्रम तय गरेको थियोे ।

तपाईको प्रतिक्रिया

सम्बन्धित

हाम्राे टिम

अध्यक्ष : हरिप्रसाद काेइराला

सम्पादक: निरौला प्रशान्त

सुचना प्रविधि प्रमुख : भवेश मण्डल

संवाददाता : बिमला अधिकारी 

संवाददाता : पूजा बस्नेत

 

हाम्राे बारेमा

ईनेपालपत्र डिजिटल मिडिया  प्रा.लि. द्वारा संचालित enepalpatra.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क

कानेपाेखरी -७ , मोरङ 

शाखा कार्यालय – लेटाङ,  माेरङ

सम्पर्क नं. :

बिज्ञापनका लागि:9842145045/9819325999
इमेल [email protected]

फेसबुक

Copyright © 2015-2021 Enepal Patra Pvt. Ltd.